Ethiopian Sports Federation

ድርጅታችን የሰውን ክቡርነት በማስተጋባት ላለፉት ፴፱ ዓመታት ኢትዮጵያውያንን በማሰባሰብ ፣ የሀገርን ጉዳይ  ከግል ጉዳይ አስበልጦ  በመከታተል ፣ ዕርዳታ በሚያስፈልግበት ግዜ ቀድሞ በመድረስና ለኢትዮጵያውያን ወገኖቻችን አለኝታ በመሆን ይታወቃል ። ሆኖም ግን ዛሬ ኢትዮጵያ ሀገራችን ያለችበት ሁኔታ  በጣም አሳዝኖናል ። የሰው ልጅ እንዴት መንግሥት አለ በሚባልበት ሀገር በዘሩ ፣ በሓይማኖቱ ፣ በማንነቱ እየተለየ ይገደላል? በተለይ  በጋምቤላና በወለጋ እንዲሁም በተለያዩ የኢትዮጵያ ክፍሎች የሚኖሩ ኢትዮጵያውያን በአማራነታቸውና በማንነታቸው ብቻ እየተለዩ የዘር ማጥፋት ወንጀል ሰለባ ሁነዋል ። ህይወታቸው ያላግባብ እየተቀጠፈ ያሉ ሁሉ ፍትህ እንዲሰጣቸው እየጠየቅን ሁኔታውን በአስቸኳይ በገለልተኝነት አጣሪ ተጣርቶ በወንጀሉ የተሳተፉ ሁሉ በህግ እንዲጠየቁ እናሳስባለን። ጉዳት ለደረሰባቸው ቤተሰቦችና ለመላው ኢትዮጵያውያን ወገኖቻችን እግዚአብሔር መፅናናትን እንዲሰጥልን እንመኛለን:: የሰው ልጅ ክቡር ነው:: ኢትዮጵያ በልጆቿ  ታፍራና ተከብራ ለዘላለም ትኑር ።

የሰሜን አሜሪካ የኢትዮጵያውያን የባሕልና ስፖርት ፌዴሬሽን::